Uncategorized

સતત વધતા કોરોના સંક્રમણને લઈને WHO એ આપી ગંભીર ચેતવણી-જાણો વિગતે

અમેરિકા અને યુરોપ હજુ તો કોરોનાની બીજી લહેરના મારમાંથી બેઠા પણ નથી થયા ત્યાં વિશ્વ આરોગ્ય સંસ્થા (ડબલ્યુએચઓ)એ દુનિયાને ખાસ કરીને યુરોપના વિકસિત દેશોને હેલ્થ ઈન્ફ્રાસ્ટ્રક્ચરના અભાવે કોરોનાની ત્રીજી લહેર માટે તૈયાર રહેવાની ચેતવણી આપી દીધી છે.

વૈશ્વિક સંસ્થાએ ભારપૂર્વક કહ્યું છે કે કોરોના વાઈરસનો પ્રસાર રોકવા માટે યુરોપીયન દેશોએ પર્યાપ્ત ઉપાય નથી કર્યા, તેના કારણે યુરોપીયન દેશોમાં કોરોનાની બીજી લહેર આવી છે. ભારતમાં પણ તહેવારોના સમયમાં પ્રજાની બેદરકારી અને સરકારની નરમાઈને પગલે કોરોનાની બીજી લહેરને પગલે કોરોનાના કેસોમાં સતત વધારો થઈ રહ્યો છે.

વિશ્વ આરોગ્ય સંસ્થાના વિશેષ દૂત ડેવિડ નાબરોએ કહ્યું કે હજી પણ સમય છે, કોરોના મહામારીને રોકવા માટે આકરાં પગલાં લેવામાં નહીં આવે તો 2021ની શરૂઆતમાં દુનિયાએ ખાસ કરીને યુરોપના દેશોમાં કોરોના વાઈરસની ત્રીજી લહેર આવી શકે છે.

નાબરોએ ઉમેર્યું હતું કે ઊનાળાના સમયમાં યુરોપીયન દેશો કોરોનાનો પ્રસાર રોકવા માટે ઈન્ફ્રાસ્ટ્રક્ચર ઊભું કરવામાં નિષ્ફળ ગયા છે. આથી દુનિયાએ કોરોના વાઈરસની બીજી લહેરના પ્રકોપનો સામનો કરવો પડયો છે. યુરોપીયન દેશો હજુ પણ કોરોનાનો પ્રસાર રોકવા માટે ઈન્ફ્રાસ્ટ્રક્ચર ઊભું નહીં કરી શકે તો આગામી વર્ષની શરૂઆતમાં તેમણે ત્રીજી લહેર માટે તૈયાર રહેવું પડશે.

માર્ચમાં કોરોનાનો પ્રસાર વધતા બે મહિનામાં યુરોઝોનમાં રીટેલ વેચાણ 21 ટકા જેટલું ઘટયું હતું, જે લોકડાઉન ઉઠાવી લેવાતાં ઝડપથી વધ્યું હતું. પરંતુ સપ્ટેમ્બરથી રિટેલ વેચાણમાં ફરી ઘટાડો શરૂ થયો છે. કોરોનાની બીજી લહેર વચ્ચે સરકારો લોકોના જીવ બચાવવા કે અર્થતંત્ર બચાવવાની અવઢવમાં સપડાઈ છે.

One Reply to “સતત વધતા કોરોના સંક્રમણને લઈને WHO એ આપી ગંભીર ચેતવણી-જાણો વિગતે

Leave a Reply

Your email address will not be published. Required fields are marked *