GUJARAT INDIA

માતાએ અભ્યાસ બાબતે ઠપકો આપતા દીકરીએ કરી આત્મહત્યા-ઓમ શાંતિ લખીને શ્રદ્ધાંજલિ અર્પણ કરીએ

ઑનલાઇન એજ્યુકેશનની (Surat) બાબતે માતાએ મીઠો ઠપકો આપતા દીકરીને માતાની (Daughter Suicide) જ વાતનું એવું લાગી આવ્યું કે ગતરોજ આપઘાત કરી લીધો હતો. સુરતની આ કરૂણ ઘટનાના પગલે મૂળ મહેસાણાના (Mahesana) પટેલ પરિવાર માથે વજ્રાઘાત પડ્યો છે. પરિવારે એકની એક લાડકવાયી ગુમાવતા આક્રંદ છવાઈ ગયો. મૃતક ખુશી પટેલ ધોરણ 10ની વિદ્યાર્થિની હતી અને તેણે આ પગલું ભરી લેતા સમગ્ર વિસ્તારમાં ચકચાર મચી ગઈ છે.

બનાવની વિગત એવી છે કે મૂળ મહેસાણાના વતની પ્રકાશભાઈ પટેલ પોતાના પરિવાર સાથે ડીંડોલીના આલોક રેસિડન્સી વિસ્તારમાં રહે છે. ગઈકાલે તેમનો પરિવાર ધાબા પર પચંગ ચગાવી રહ્યો હતો ત્યારે અચાનક તેમની પુત્રીએ ઝેરી દવા પી લીધી હતી. ઘટનાની જાણ થતા પરિવારે ખુશીને તાત્કાલિક સારવાર માટે હૉસ્પિટલમાં દાખલ કરી હતી પરંતુ તેનો પ્રાણ છુટી ગયો હતો.

સમગ્ર પરિવારે કાલે જ્યારે ધાબા પર પતંગની મજા માણી રહ્યો હતો ત્યારે ખુશીએ ઝેરી દવા ગટગટાવી હતી. આમ પરિવારે પોતાની લાડકવાયી ગુમાવવાનો વારો આવ્યો છે. ઘટનાને પગલે માતા શોકમાં ગરકાવ છે જ્યારે ડિંડોલી પોલીસે આગળની તપાસ હાથ ધરી છે

Leave a Reply

Your email address will not be published. Required fields are marked *