INTERNATIONAL

રેતી માં દફન થયેલું 3400 વર્ષ જૂનું સોના નું શહેર મળ્યું ,જાણો અહીં

ઇજિપ્તના સૌથી પ્રખ્યાત રાજા એટલે કે રાજા તૂતનખામેન (તુત)ની કબરની શોધ બાદ સૌથી મોટી ઉપલબ્ધિ હોવાનું માનવામાં આવી રહ્યું છે.ઇજિપ્તના પુરાતત્ત્વ મામલાના રાજ્ય મંત્રી રહી ચૂકેલા પુરાતત્ત્વવિદ જહી હાવાસે પોતાના ફેસબુક પેજ પર આ અંગે જાહેરાત કરી હતી. લગભગ 3,400 વર્ષ જૂનું આ શહેર લગ્ઝરમાં પ્રખ્યાત કિંગ્સ વેલીની પાસે રેતીમાં દફન કરાયેલું મળી આવ્યું છે. આ તે જ સ્થાન છે જ્યાથી તુતની કબર મળી હતી. આ કબરથી આ કબરમાંથી 10 કિલો સોનાથી બનેલા તૂતનખામેનના મમી સહિત આશરે 5 હજાર કિંમતી કલાકૃતિઓ પણ મળી આવી હતી. રસપ્રદ વાત એ છે કે તે શોધ અજાણતાં થઈ છે.

પુરાતત્ત્વવિદોની ટીમ તૂતનખામેનના શબગૃહ મંદિરની શોધખોળ કરતા-કરતાં આ દફનાવેલા શહેર સુધી પહોંચી ગયા હતા.આ શહેરનું નામ એટન છે, જે 18માં રાજવંશના નવમા ફેરો એટલે કે રાજા અમેનોટેપ-3 એ વસાવ્યું હતું. તો ચાલો પહેલા તસવીરોમાં જોઈએ સોનાના શહેરમાં અત્યાર સુધીમાં શું-શું મળ્યું છે.શહેરના દક્ષિણ ભાગમાં એક મોટી બેકરી એટલે કે રસોડું પણ મળી આવ્યું છે. જેમાં રસોઈ અને તૈયારી માટેનું સ્થાન છે. ભઠ્ઠીઓ અને માટીના વાસણો રખવા માટેનું એક સ્થળ છે. આ બેકરીનું કદ જોઈને સરળતાથી કહી શકાય કે તે મોટી સંખ્યામાં કર્મચારીઓને ભોજન પૂરું પાડવાનું કામ કરવામાં આવતું હતું.પુરાતત્વવિદોના શહેરમાં મારીનું એક કન્ટેનર મળ્યું છે, જેમાં લગભગ 10 કિલો સુકું કે ઉકાળેલું માંસ રાખવામા આવતું હતું. તેના પર લખેલું છે, “વર્ષ 37, આ સુશોભિત માંસ ત્રીજા હેબ સેડ ઉજવણી માટે ખાય છે”

તે રીતે એક ગાય અને બળદ પણ ઓરડાઓની અંદર અલગથી દફનાવાયેલા જોવા મળે છે.ખોદકામમાં એક વ્યક્તિની કબર પણ મળી હતી, જેમાં દફનાવેલા માણસના હાથની પાસે હથિયાર રાખવામાં આવ્યા હતા. તેના પગ દોરડાથી બાંધેલા હતા. દફન કરવાની આ પદ્ધતિ પરંપરાથી તદ્દન અલગ માનવામાં આવે છે. શહેરના બીજા ભાગની ખોદકામની તપાસ હજી ચાલુ છે, પરંતુ આ ભાગ વહીવટી અને રહેણાંક હોવાનું જણાય છે. આમાં, વિચારીને બાંધવામાં આવેલી મોટી ઇમારતો જોવા મળે છે.

આ વિસ્તાર ઘેરીને બનાવવામાં આવ્યો હતો. જીગ-જેગ આકારની વ્યવસ્થિત દિવાલ પણ મળી આવી છે. આશરે 10 ફૂટ ઉંચી આ દિવાલને ફક્ત એક જ સ્થાનથી ઓળંગી શકાય છે. આ એક દિવાલ નિયંત્રિત સુરક્ષા સિસ્ટમનો પુરાવો છે.​​​​​​​શહેરના ત્રીજા વિસ્તારમાં કારખાનાઓ પણ મળી આવ્યા છે, જેમાં માટીની ઇંટ બનાવવાની જગ્યાઓ પણ સમેલ છે. પુરાતત્ત્વવિદોએ અહીં કાસ્ટિંગ માટેના મોડલ્સ પણ મેળવ્યા છે. કદાચ અહીં તાબીજ અને નાજુક સુશોભન વસ્તુઓ બનાવવામાં આવતી હતી.

Leave a Reply

Your email address will not be published. Required fields are marked *