GUJARAT INDIA

PM સાથે ની મીટીંગ બાદ CM વિજય રૂપાણી નો મોટો નિર્ણય

વડાપ્રધાન નરેન્દ્ર મોદીએ આજે સવારે 10 કલાકે રાજ્યોના મુખ્યમંત્રીઓ સાથે બેઠક યોજી સંવાદ કર્યો હતો, જેમાં ગૃહમંત્રી અમિત શાહ પણ જોડાયા હતા. બેઠકમાં મહારાષ્ટ્ર, મધ્યપ્રદેશ, ગુજરાત, ઉત્તરપ્રદેશ, છત્તીસગઢ, કર્ણાટક, રાજસ્થાન, બિહાર અને કેરળના મુખ્યમંત્રીઓ પણ જોડાયા હતા. ગુજરાતના મુખ્યમંત્રી વિજય રૂપાણી અને નાયબ મુખ્યમંત્રી નીતિન પટેલ ગાંધીનગરથી વીડિયો-કોન્ફરન્સમાં ભાગ લીધો હતો, જેમાં મુખ્ય સચિવ અનિલ મુકીમ, મુખ્યમંત્રીના મુખ્ય અગ્ર સચિવ કે. કૈલાસનાથન, આરોગ્ય અગ્ર સચિવ ડૉ. જયંતી રવિ, મુખ્યમંત્રીના સચિવ અશ્વિની કુમાર અને રાજ્ય પોલીસવડા આશિષ ભાટિયા સહિત વરિષ્ઠ અધિકારીઓ ઉપસ્થિત રહ્યા હતા.

કોરોના સામેની લડાઈમાં સામાજિક સંગઠનો મદદે
પ્રધાનમંત્રી સાથે બેઠક બાદ મુખ્યમંત્રી વિજય રૂપાણીએ જણાવ્યું હતું કે ગુજરાતમાં રાજ્ય સરકાર, ખાનગી ક્ષેત્ર અને સામાજિક સંગઠનો ખભેથી ખભો મિલાવીને આગળ આવી રહ્યાં છે. કોરોના સામેની લડતમાં રાજ્યની વિવિધ સામાજિક-ધાર્મિક સંસ્થાઓ પણ આગળ આવી છે. મોરબી જેવા ગ્રામીણ જિલ્લામાં 630 પથારીની ક્ષમતાવાળા 5 કોવિડ હેલ્થ સેન્ટર, વડોદરામાં બી.એ.પી.એસ. દ્વારા કોવિડ ડેડિકેટેડ કોવિડ હોસ્પિટલની સ્થાપના અને સુરતમાં 15 કોમ્યુનિટી કેર સેન્ટર વગેરે એનાં ઉત્કૃષ્ટ ઉદાહરણ છે.

મુખ્યમંત્રીએ વધુમાં જણાવ્યું હતું કે 15મી માર્ચે રાજ્યમાં 42 હજાર બેડ હતાં, તેની સામે હાલ રાજ્યમાં 90 હજાર બેડ ઉપલબ્ધ છે. 1800થી વધુ કોવિડ હોસ્પિટલોમાં 11,500 આઇ.સી.યુ. બેડ અને 51 હજાર ઓક્સિજન બેડ ઉપલબ્ધ છે. આ સાથે ટેસ્ટિંગમાં વધારો કરીને 50 હજારની સામે 1.75 લાખ કરવામાં આવ્યા છે, જેમાં 70 હજાર જેટલા આર.ટી.પી.સી.આર. ટેસ્ટનો સમાવેશ થાય છે.

le" style="display:block; text-align:center;" data-ad-layout="in-article" data-ad-format="fluid" data-ad-client="ca-pub-3398713808186582" data-ad-slot="4618692279">

વિજય રૂપાણીએ આગળ કહ્યું, રાજ્યમાં નિષ્ણાત તબીબોની એક ટાસ્કફોર્સ બનાવાઇ છે, જેમાં સરકારી અને ખાનગી ક્ષેત્રના પ્રતિષ્ઠિત તબીબોને સમાવવામાં આવ્યા છે. તેમના માર્ગદર્શન અને સલાહ- સૂચનથી વખતોવખત કાર્યરીતિ નીતિમાં બદલાવ કરવામાં આવી રહ્યા છે. ગઈકાલે જ આ ટાસ્કફોર્સે માઇલ્ડ અને મોડરેટ દર્દીઓ માટે ફેવિપેરાવિર અને આઇવરમેક્ટિન દવાના ઉપયોગની સલાહ આપી છે. તેના થકી કોરોના દર્દીઓમાં વાઇરલ લોડ ઓછો કરવામાં મદદ મળશે.

વિજય રૂપાણીએ જણાવ્યું હતું કે કેન્દ્ર સરકારના માર્ગદર્શન મુજબ ગુજરાત સરકારે માઈક્રો કન્ટેન્મેન્ટ ઝોન પર ધ્યાન કેન્દ્રિત કર્યું છે. હાલ ગુજરાતનાં શહેરોમાં કુલ 30,0000 જેટલા માઈક્રો કન્ટેન્મેન્ટ ઝોન અમલમાં છે, જેમાં 20 હજાર મેડિકલ ટીમ નિયમિત ધોરણે દર્દીઓના સર્વે-સારવારનું કામ કરી રહી છે, હાલ રાજ્યમાં મોટા ભાગના દર્દીઓને હોમ આઇસોલેશન થકી સારવાર આપવાના પ્રયત્નો પણ યથાવત છે, જેમાં ગયા વર્ષનો અનુભવ કામે લાગી રહ્યો છે. હોમ આઇસોલેશનમાં રહેલા દર્દીઓને સંજીવની રથ તથા ટેલિમેડિસિનના માધ્યમથી આવશ્યક સારવાર સુવિધા ઉપલબ્ધ કરાવાઈ છે. એકલા અમદાવાદમાં જ 1200થી વધારે સંજીવની રથ લોકોની સેવામાં છે, જે વરદાન રૂપ સાબિત થયા છે.

મુખ્યમંત્રીશ્રીએ કહ્યું હતું કે ગુજરાતમાં કોરોના દર્દીઓ માટે ઓક્સિજનનો પુરવઠો જળવાઈ રહે એ માટે વિતરણ પ્રણાલીને મજબૂત કરવામાં આવી છે. ગંભીર દર્દીઓની સંખ્યા વધતાં હોસ્પિટલોમાં ઓક્સિજનની માગ પણ ખૂબ વધી છે, એને પહોંચી વળવા માટે પ્રયત્નો થઇ રહ્યા છે, એમ તેમણે ઉમેર્યું હતું. રાજ્યમાં પૂરતા વેક્સિનેશન અને કોવિડ એપ્રોપ્રિયેટ બિહેવિયરના ચુસ્ત પાલન થકી આવનારા દિવસોમાં ગુજરાત કોરોના પર પ્રભાવી નિયંત્રણ મેળવવામાં સફળ થશે, એવો મુખ્યમંત્રીએ વિશ્વાસ વ્યક્ત કર્યો હતો.

Leave a Reply

Your email address will not be published. Required fields are marked *