GUJARAT

હાઇકોર્ટ ની ટકોર બાદ ગુજરાત ના 29 શહેરો માં બધું જ બંધ ,જાણો અહી

હાઇકોર્ટ ની ટકોર બાદ ગુજરાત ના 29 શહેરો માં બધું જ બંધ,ગઈકાલે મુખ્યમંત્રી દ્વારા ગુજરાતના 29 શહેરોમાં દિવસે પણ બધુ બંધ રાખવાની જાહેરાત કરવામાં આવી છે. દિવસે જીવન જરૂરિયાતની વસ્તુઓ સિવાય બધુ જ બંધ રહેશે. ત્યારે વહેલી સવારથી ગુજરાતના અલગ અલગ શહેરોની શું છે સ્થિતિ તેના પર એક નજર કરીએ. અમદાવાદમાં સરકારની જાહેરાત બાદ પણ વેપારીઓ મૂંઝવણ મૂકાયા છે. ખાડિયા, રિલીફ રોડ અને ગાંધી રોડ માર્કેટના વેપારીઓમાં અસમંજસ ફેલાઈ છે.

મોટાભાગની દુકાનો બંધ છે. જોકે, કેટલીક દુકાનો ખુલ્લી જોવા મળી છે. દુકાનો બંધ છે, પણ વેપારીઓ-સ્ટાફકર્મી રાબેતા એકઠા થયા છે. દુકાનો ખોલવા કે બંધ રાખવા અંગે કોઈ માહિતી નથી તેવુ વેપારીઓનુ કહેવું છે. સાથે જ તેમણે કહ્યું કે, સરકાર લોકડાઉન અંગે પૂર્ણ સ્પષ્ટતા કરે.તો વડોદરામાં આજથી 5 મે સુધી જીવન જરૂરિયાતની વસ્તુ સિવાય તમામ દુકાનો બંધ છે. પીસીઆર વાનને લઈ પોલીસ વેપારીઓને નિયમોથી અવગત કરાવી રહી છે. પબ્લિક એનાઉન્સમેન્ટ સિસ્ટમ દ્વારા વેપારીઓને ટોળે ન વળવા પોલીસ અપીલ કરી રહી છે.

પરંતુ બીજી તરફ, વડોદરાના અભિલાષા ચાર રસ્તા કામ માટે નીકળેલા મજૂરોની ભીડ ભેગી થઈ છે. મોટા પ્રમાણમાં મજૂરો એકત્રિત થતા કોરોના ફેલાવવાનો ભય છે. આજથી મિની લોકડાઉન છતાં પોલીસ આ મામલે નિષ્ક્રિય દેખાઈ રહી છે. વડોદરામાં કોરોના બેકાબૂ થાય ત્યારે આ પ્રકારની ભીડ ઘાતક સાબિત થઈ શકે છે.

સુરતમાં 5 મે સુધી દુકાનો બંધ રહેશે. જોકે હજી પણ કેટલાક વિસ્તારોમાં ચાની કીટલી અને પાનના ગલ્લા ખુલ્લા જોવા મળ્યા છે. ભાગળ પર તમામ કાપડની તમામ દુકાનો બંધ હાલતમાં જોવા મળી. પોલીસ દ્વારા સતત એનાઉન્સમેન્ટ કરાઈ રહ્યું છે. રાજકોટની ધર્મેન્દ્ર રોડ કાપડ માર્કેટ સંપૂર્ણ બંધ છે. કોરોનાની ચેન બ્રેક કરવામાં લોકો સરકારને સહયોગ આપી રહ્યાં છે. રાજકોટની મોટાભાગની બજારો બંધ રાખવામાં આવી છે.

Leave a Reply

Your email address will not be published. Required fields are marked *