INDIA

આયુર્વેદિક નિષ્ણાંતોએ બ્લેક ફંગસના ઈલાજને લઈને કર્યો મોટો દાવો, માત્ર આ રીતે કરી શકશો ઈલાજ

કોરોના વચ્ચે એક અન્ય બીમારી હવે મહામારીનું સ્વરૂપ લઈ રહી છે. કોરોનાથી સંક્રમિત દર્દીઓ પર ‘બ્લેક ફંગસ’નું જોખમ તોળાઈ રહ્યું છે. આ બીમારી આંખોની સાથે ફેફસાં અને મગજ પર પણ ઘાતક અસર છોડે છે. ચાર રાજ્યએ આ બીમારીને મહામારી ઘોષિત કરીને એના આંકડા નોટિફાઈ કરવાના નિર્દેશ આપ્યા છે.

બ્લેક ફંગસના ઈલાજ માટે કોવિડ પ્રોટોકોલની સાથે એન્ટી-ફંગલ દવાઓ આપવામાં આવી રહી છે, પરંતુ પટનાની સરકારી આયુર્વેદ કોલેજે એના ઈલાજ માટે એક આયુર્વેદિક ઉપાય શોધ્યાનો દાવો કર્યો છે, જે અત્યારે ચર્ચાનો વિષય બન્યો છે. જ્યારે એલોપેથી ડોક્ટરો કહે છે કે આ ફંગલ ઈન્ફેક્શન છે અને એનો ઈલાજ જળો દ્વારા ન કરી શકાય. ડોક્ટરોના સંગઠન IMA કહે છે કે મહામારીના સમયમાં આવા નોન-સિરિયસ દાવા ન કરવા જોઈએ, એનાથી લોકોમાં ભ્રમ વધે છે.

તેઓ કહે છે, ‘સુશ્રુત સંહિતાના 17મા અધ્યાયમાં લીચ થેરપી કે જલૌકા થેરપીનો વિસ્તૃત ઉલ્લેખ છે. વાસ્તવમાં ત્વચા સંબંધિત એલર્જી, ગંભીર ઈજા, શરીરમાં બ્લડ ક્લોટિંગ, શરીરમાં ટોક્સિન હોય તો આ પદ્ધતિથી હંમેશાં ઈલાજ કરવામાં આવે છે. આંખોની ગ્લુકોમા નામની બીમારીના ઈલાજમાં તેનો ઉપયોગ અગાઉથી જ કરવામાં આવી રહ્યો છે.’ ગ્લુકોમાની બીમારી મોટા ભાગે 60 વર્ષ કે પછી એનાથી વધુ વયના લોકોને થાય છે. એમાં આંખોની ઓપ્ટિક નર્વ પર વધુ દબાણ પડવાથી દૃષ્ટિ પ્રભાવિત થાય છે.

ઈન્ડિયન મેડિકલ એસોસિયેશન (IMA)ના જનરલ સેક્રેટરી ડો. જયેશ એમ. લેલે લીચ થેરપીથી બ્લેક ફંગસના ઈલાજની સંભાવના અંગે કહે છે, ‘કોઈને એ કેમ સમજાતું નથી કે દેશ જ નહીં, સમગ્ર દુનિયા એક મોટા સંકટમાં છે. આ શરદી-ખાંસી નથી, મહામારીનો સમય છે. આ સમયે કોઈ ટ્રાયલ વિના કંઈપણ કહી દેવું કેટલું નોન-સિરિયસ છે. જે આયુર્વેદાચાર્યને એ શક્ય લાગતું હોય તો પ્રથમ તેમને ક્લિનિકલ ટ્રાયલ માટે અપ્રૂવલ લઈને પુરાવા મેળવવા જોઈએ. ઈલાજનો દાવો ન કરી દેવો જોઈએ.’

બનારસ હિન્દુ યુનિવર્સિટીમાં આયુર્વેદ ડિપાર્ટમેન્ટના હેડ ડો. યામિની ભૂષણે લીચ થેરપીથી બ્લેક ફંગસના ઈલાજ પર કહ્યું, ‘જલૌકા ટ્રીટમેન્ટ ત્વચાની બીમારી અને લોહીની ખરાબીને સમાપ્ત કરવા માટે થાય છે. એનાથી બ્લેક ફંગસ મટી જવાની સંભાવનાથી ઈનકાર ન કરી શકાય, પરંતુ અનુમતિ લઈને પ્રથમ ક્લિનિકલ ટ્રાયલ થવી જોઈએ.’

Leave a Reply

Your email address will not be published. Required fields are marked *