SURAT

સુરતમાં સુપરહિટ ટીવી સિરિયલ ની એકટર બબીતાજી સામે આ બાબતે ઉઠાવ્યો વિરોધ, જાણો વિગતે

સુરતમાં ટીવી સિરિયલ તારક મહેતાની અભિનેત્રી મુનમુન દત્તા ઉર્ફે બબિતા સામે સ્વાભિમાન સંસ્થા દ્વારા થોડા દિવસ પહેલા જિલ્લા કલેકટરને આવેદનપત્ર આપીને રજૂઆત કરી હતી.વાલ્મિકી સમાજનુ અપમાન કર્યુ હોવાની લાગણી સાથે વિરોધ કરાઈ રહ્યો છે.

અભિનેત્રી સામે તાત્કાલિક અસરથી એફઆઈઆર નોંધાઈ તેવી માંગ કરવામાં આવી હતી. સ્વાભિમાન સંસ્થાના પ્રમુખ તેમજ અન્ય હોદ્દેદારોએ ચીમકી આપી હતી કે, તે મુજબ મુન મુન દત્તા સામે કાયદેસરની કાર્યવાહી ઝડપથી ન કરાતાં અનશન શરૂ કરવામાં આવ્યાં છે.

રામપુરા હળકાશ માતાના મંદિર પાસે વાલ્મિકી સમાજના અગ્રણી કિરીટ વાઘેલા અને રીતેશ સોલંકી અન્નજળનો ત્યાગ કરીને ઉપવાસ પર બેઠા છે. તેમની માગ છે કે, જ્યાં સુધી મુનમુન દત્તા સામે ગુનો દાખલ ન થાય ત્યાં સુધી તેઓએ ઉપવાસ ઉપર બેસવાની જાહેરાત કરી છે.

વાલ્મિકી સમાજ દ્વારા કોરોના સંક્રમણ કાળ દરમ્યાન જે રીતે જીવના જોખમે પોતાની ફરજ નિભાવી છે. તેવા સમાજને નિમ્ન શબ્દ બોલીને અપમાન કરવું તે યોગ્ય નથી જેનાથી સમગ્ર સમાજની લાગણી દુભાઇ છે.

અભિનેત્રી મુનમુન દત્તાના લાખો-કરોડો ફોલોવર્સ હોવાથી તેમણે બોલેલા શબ્દની અસર થાય છે. મુનમુન દત્તા કોઈ એક વ્યક્તિ માટે નહીં પરંતુ સમગ્ર સમાજ માટે શબ્દો બોલ્યા છે. જે ક્યારેય સાખી ન લેવાય. સમાજની લાગણી દુભાઈ આવ્યા બાદ પણ મુનમુન દત્તા (બબિતા) સામે કોઈ પગલાં લેવાયા નથી. એ દુઃખદ બાબત હોવાનું સમાજના અગ્રણીઓએ જણાવ્યું હતું.

Leave a Reply

Your email address will not be published. Required fields are marked *