INDIA

પત્ની પિયર ચાલી ગઈ તો એકલા રહી ગયેલા પતિ એ સસરા ના ઘર ની સામે ધરણાં કર્યા

5 વર્ષ પહેલાં એક મહિલા બ્યૂટી પાર્લર જવાનું કહી પોતાના સાસરેથી ભાગીને પિયર આવી ગઈ હતી. તે દિવસે જ તેના લગ્નની પહેલી વર્ષગાંઠ પણ હતી. ત્યારથી પતિ પત્ની પરત ફરશે તેવી રાહ જોઈ રહ્યો છે. પરંતુ હવે તેને ધીરજ ગુમાવી છે અને પોતાના સસરાના ઘરની જ બહાર જ ધરણાં શરૂ કરી દીધા છે. તેની જીદ છે કે તે કોઈ પણ કિંમતે કાં તો પત્નીને સાથે લઈને જશે કે પછી કોઈ યોગ્ય નિર્ણય લઈને જશે. યુવતીના પક્ષના લોકો આ મામલે કંઈ જ બોલવા તૈયાર નથી. પડોશીઓએ તેને બેસવા માટે ખુરસી આપી છે. પોલીસ આ ઘટનાની કોઈ જ જાણકારી ન હોવાનું કહી રહી છે.

આ સમગ્ર મામલો જગદીશપુરાના સુલહકુલ નગર પોલીસ સ્ટેશન વિસ્તારનો છે. અહીં જયપુર નિવાસી અવિનાશ વર્મા પોતાના સસરાના ઘરની બહાર બે દિવસથી ધરણાં પર બેઠા છે. જમીન પર બેઠેલો જોઈને પડોશીઓએ તેને ખુરસી આપી છે, ત્યારે બે દિવસથી યુવક ખુરસી પર બેઠો છે. યુવકનું કહેવું છે કે છેલ્લાં 5 વર્ષથી પત્ની કારણ વગર પોતાના ઘરમાં છે અને બહાનું બતાવીને પોતાના સાસરે પરત નથી આવી રહી. હવે કાં તો તે પત્નીને લઈને જશે કે અંતિમ નિર્ણય કરીને જશે. તે અહીં આવતા તેની પત્ની કોઈ બહાનું કરીને પોતાના સંબંધીને ત્યાં જતી રહી છે. સતત પત્ની આવીને વાત કરશે તેવું જણાવવામાં આવે છે પરંતુ તે પરત ફરી જ નથી રહી, તેથી અંતે કંટાળીને તે ધરણાં પર બેસી ગયો છે.

અવિનાશ વર્માએ જણાવ્યું કે તેના લગ્ન 2 મે 2015નાં રોજ આરાધના વર્મા સાથે થયા હતા. એક વર્ષ પછી 2 મે, 2016નાં રોજ પત્નીએ લગ્નની પહેલી વર્ષગાંઠ પર ઘરમાં નાનકડી પાર્ટીનું આયોજન કર્યું હતું. બપોરે પત્ની બ્યૂટીપાર્લર ગઈ અને આખો દિવસ મેકઅપનું બહાનું બતાવીને પોતે પાર્લરમાં જ હોવાનું જણાવતી રહી. રાત્રે જ્યારે ફોન પર વાત કરી તો તેને અભદ્રતા દાખવતા પોતે પિયર જતી રહી હોવાનું જણાવ્યું હતું.

le" style="display:block; text-align:center;" data-ad-layout="in-article" data-ad-format="fluid" data-ad-client="ca-pub-3398713808186582" data-ad-slot="4618692279">

અવિનાશના જણાવ્યા મુજબ પત્ની પિયર ગયા બાદ અનેક વખત તેને સમજાવીને-પટાવીને પાછી લાવવાનો પ્રયાસ કર્યો, પરંતુ તે દરેક વખતે કોઈને કોઈ બહાનું બતાવીને પછી આવીશ તેવો વાયદો કરતી હતી અને પછી ઘરે આવતી ન હતી. આ વચ્ચે તેને માનવાધિકાર આયોગની નોટિસ મોકલી દીધી. મારી તરફથી સેક્શન 9માં કાર્યવાહી કરવામાં આવી. જ્યારે તે ત્યારે પણ સાથે રહેવા વ આવી તો મેં છૂટાછેટાની નોટિસ મોકલી દીધી. જેના બદલામાં તેના પરિવારે સાથે મળીને દહેજ ઉત્પીડનનો કેસ દાખલ કરી દીધો. હજુ પણ પત્નીના પક્ષ તરફથી કોઈ જ યોગ્ય જવાબ નથી મળી રહ્યો. ન તો તે છૂટાછેડા આપે છે કે ન તો તે સાથે રહેવા માટે તૈયાર છે.

Leave a Reply

Your email address will not be published. Required fields are marked *