GUJARAT

અમેરિકામાં રહેતા રાજકોટના યુવાને કોરોના કાળમાં ભારત માટે કર્યું આ મદદભર્યું કામ, જાણીને ગર્વ કરશો

એક યુવાનને સૌરાષ્ટ્રની આ કફોડી પરિસ્થિતિની વાત મળતાની સાથે જ મયુર રાણોલીયા નામના મૂળ સૌરાષ્ટ્રના અને હાલ અમેરિકામા વસતા IT ફિલ્ડ સાથે સંકળાયેલા યુવાને માતૃભૂમિનું ઋણ ચૂકવવા માટે પ્રોજેક્ટ માતૃભૂમિ- 2021 નામનું કેમ્પેઇન શરુ કર્યુ હતું.

જેમાં તેણે 7 કરોડનું દાન એકત્ર કરી 1150 નંગ ઓક્સિજન કોન્સન્ટ્રેટર મશીન રાજકોટ મોકલ્યા છે. અહીંથી જરૂરિયાતમંદની ફ્રીમાં આપવામાં આવશે.જેમાં મૂળ સૌરાષ્ટ્રના અને હાલ અમેરિકામા રહેતા અનેક સૌરાષ્ટ્રવાસીઓ દ્વારા 1150 નંગ ઓક્સિજન કોન્સેન્ટેટર મશીન તથા તેની કિટ સૌરાષ્ટ્રના જરૂરિયાતમંદ લોકો સુધી વિનામૂલ્યે વિતરિત કરવા માટે 7 કરોડ જેટલું માતબર ફંડ સૌરાષ્ટ્ર પટેલ કલ્ચરલ સમાજ નામની સંસ્થા બનાવી એકત્ર કરવામાં આવ્યું છે.સૌરાષ્ટ્રના અનેક નાના-મોટા ગામોમાં ઓક્સિજન સિલિન્ડરની ખૂબ જ અછત વર્તાતા રાજકોટના SPCSના પ્રમુખ કપિલ પટેલ અને સાથી યુવાનો દ્વારા તમામ મશીન સૌરાષ્ટ્રના ગામડાઓ સુધી તાત્કાલિક પહોંચી શકે તેવી રાજકોટ ખાતે એક ગ્રાઉન્ડ લેવલે ઝડપથી કાર્ય આગળ ધપે તેવી યુવાનોની ટીમ બનાવામાં આવી છે.

રાજકોટના એક વેર હાઉસ ખાતે તમામ મશીન સ્ટોર કરવામાં આવ્યા અને ત્યાંથી આસપાસના તમામ ગામડાઓમાં રહેતા જરૂરિયાતમંદ લોકો સુધી આ મશીન પહોંચાડવાની સુવિધા માટે બાલાજી વેફર્સ તથા તેમના સ્વયંસેવકોએ તમામ ટ્રાન્સપોર્ટેશનની જવાબદારી ઉઠાવી છે.

Leave a Reply

Your email address will not be published. Required fields are marked *