fact INDIA

સૌરાષ્ટ્ર ના એક શિક્ષકે 50 હજાર ની નોકરી મૂકી ને ખેતી કરી મહિને 1.5 લાખ કમાય છે,જાણો ખાસિયત

જમીન કે માટી વગર શાકભાજી કે ફળ ફળાદીનું વાવેતર શક્ય છે ખરા..આ સવાલ કોઈને પણ વિચારતા કરી મૂકે એવો છે, પરંતુ રાજકોટમાં એક એવા આધુનિક ખેડૂત છે, જેમણે માત્ર પાણીની મદદથી ઘરની છત પર શાકભાજીનું વાવેતર કર્યું છે. રાજકોટથી 20 કિલોમીટર દૂર મેટોડા ગામમાં રહેતા પ્રગતિશીલ ખેડૂતે રસિકભાઇ નકુમે માટી વગર જ શાકભાજી અને ફળની ખેતીની શરૂઆત કરી છે. તેમણે બીએસસી બીએડ સુધી અભ્યાસ કરી ખાનગી સ્કૂલમાં શિક્ષક તરીકે નોકરીની શરૂઆત કરી હતી. તેમને મહિને 45થી 50 હજાર જેવો પગાર હતો છતાં નોકરી છોડીને હાઇડ્રોપોનિક્સ પદ્ધતિથી ઘરઆંગણે જ શાકભાજી ઉગાડ્યા અને સફળતા મળી. આજે તેઓ મહિને દોઢ લાખની કમાણી કરી રહ્યા છે.

રસિકભાઇ નકુમે જણાવ્યું હતું કે હું જે પદ્ધતિથી વાવેતર કરું છું એને કારણે જંતુનાશક દવાથી થતા કેન્સરનું જોખમ પણ રહેતું નથી. પોષકતત્ત્વો પણ વધારે મળે છે. હાઇડ્રોપોનિક્સ પદ્ધતિ નવી નથી, પણ 40 વર્ષ જૂની છે. હાઇડ્રોપોનિક્સ ટેક્નોલોજીની મદદથી ઘરઆંગણે જ ટમેટાં, રીંગણાં, સ્ટ્રોબેરી, કેપ્સિકમ મરચાં, કારેલાં, દૂધી, કાંકડી, ફુદીનો, પાલક સહિતનાં અનેક શાકભાજી અને ફળનું વાવેતર કર્યું છે. બીએસસી બીએડ સુધીનો અભ્યાસ કરેલા રસિકભાઇએ તેમના ઘરઆંગણે જ આ ટેકલોજીનો ઉપયોગ કરીને વાવેતર કર્યું છે અને સારા પ્રમાણમાં ઉત્પાદન લઇ રહ્યા છે.

રસિકભાઇએ વધુમાં જણાવ્યું હતું કે સામાન્ય રીતે ઇઝરાયેલ, જર્મની, અમેરિકા અને ચીનમાં આ ટેકનોલોજીનો ભરપૂર ઉપયોગ થઇ રહ્યો છે. હવે આ ભારતમાં અને ખાસ કરીને ગુજરાતના રાજકોટમાં પ્રગતિશીલ ખેડૂતે સફળ ઉપયોગ કર્યો છે. રસિકભાઇનો દાવો છે કે આ ટેકનોલોજીથી તૈયાર થયેલી શાકભાજીમાં માટીમાં તૈયાર થતી શાકભાજી કરતાં પોષકતત્ત્વો પણ વધારે હોય છે અને જંતુનાશક દવા અને બિનજરૂરી ખાતરને કારણે કેન્સરનું જોખમ પણ રહેતું નથી. પોષકતત્ત્વો પણ 100 ટકા મળી રહે છે.

le" style="display:block; text-align:center;" data-ad-layout="in-article" data-ad-format="fluid" data-ad-client="ca-pub-3398713808186582" data-ad-slot="4618692279">

હાઇડ્રોપોનિક્સ પદ્ધતિથી રસિકભાઇએ બે પ્લાન્ટ તૈયાર કર્યા છે, જેમાં 5 હજાર સ્ક્વેરફૂટ અને 2 હજાર સ્ક્વેરફૂટ. આ બંને પ્લાન્ટમાં તેમણે ટોટલ 12થી 13 લાખનો ખર્ચ કર્યો છે. ત્રીજા પ્લાન્ટની કામગીરી હાલ ચાલી રહી છે. 5 હજાર સ્ક્વેરફૂટના પ્લાન્ટમાં રોજ 100 કિલોથી વધુ શાકભાજીનું ઉત્પાદન થાય છે અને 2 હજાર સ્ક્વેરફૂટના પ્લાન્ટમાં 70 કિલોથી વધુ શાકભાજીનું ઉત્પાદન થાય છે.

રસિકભાઇએ જણાવ્યું હતું કે મારી શાકભાજીનો ભાવ કિલોના 150 રૂપિયા છે. રોજના 200 ગ્રાહકો રેગ્યુલર છે, જેઓ મારી પાસેથી જ શાકભાજી ખરીદે છે, સાથોસાથ મે 6 લોકોને પગાર પર રાખ્યા છે અને તેને પણ રોજગારી પૂરી પાડી રહ્યો છું. 2035 સુધીમાં 15 હજાર લોકોને રોજગારી આપવાનો મારો લક્ષ્યાંક છે. હું મારા પ્લાન્ટ પર આવનાર દરેક લોકોને ફ્રીમાં માર્ગદર્શન આપું છું અને લોકોને આ પદ્ધતિ અપનાવવા પ્રેરિત કરું છું. મારી આ ખેતીમાં મારો પરિવારનો પણ મને ખૂબ જ સહયોગ મળી રહે છે.

Leave a Reply

Your email address will not be published. Required fields are marked *